اسلام آباد۔16جون (اے پی پی):سینیٹ دا اجلاس کورم گھٹ تھیوݨ پاروں جمعے دی سویل ساڈھے ݙاہ وجے تئیں ملتوی کرݙتا ڳئے، خمیس دے ݙینھ سینیٹ اجلاس تے ایجنڈے اچ رلیے امور کوں نبیڑیا ڳئے اپوزیشن ارکان پٹرولیم مصنوعات دیاں قیمتاں ودھݨ تے ایوان اچ احتجاج کیتا۔ اجلاس اچ آندے مالی سال 23 ۔2022 دے بجٹ تے بحث کیتی ڳئی ۔ جمعیت علمائے اسلام (ف) دے سینیٹر مولانا عطاء الرحمن دی تقریر ویلھے اپوزیشن ارکان احتجاجاً ایوان توں واک آئوٹ کیتا جیں توں بعد پاکستان تحریک انصاف دی سینیٹر ڈاکٹر زرقہ سہروردی تیمور کورم دی نشاندہی کرݙتی ۔ ڈپٹی چیئرمین دی ہدایت تے پنج منٹ تئیں گھنٹیاں وڄائیاں ڳئن کورم پورا نہ تھیوݨ پاروں اجلاس دی کاروائی جمعے دی سویل ساڈھے ݙاہ وڄے تئیں ملتوی کرݙتا ڳئے۔
