اسلام آباد۔16جون (اے پی پی) وزیراعظم شہبازشریف آکھیے جو سابق حکومت آئی ایم ایف نال ہݨ تئیں دا ساریں توں بدترین معاہدہ کیتے ،پٹرولیم مصنوعات دیاں قیمتاں اچ ودھݨ توں عوام دے متاثر تھیوݨ دا احساس اے لیکن ایں توں علاوہ کوئی چارہ نہ ہئی ، صورتحال تے قوم کوں وختی اعتماد اچ گھنساں ، خمیس کوں آپݨے ٹویٹ اچ وزیراعظم شہبازشریف آکھیے جو میں پٹرولیم مصنوعات دیاں قیمتاں ودھݨ توں عوام تے پووݨ آلے اثرات دا میکوں پوری طرح پتہ اے لیکن پی ٹی آئی دی سابق حکومت تے آئی ایم ایف دی ڈیل پاروں موجودہ حکومت کنے پٹرولیم مصنوعات دیاں قیمتاں ودھݨ دے سوا کوئی چارہ کائناں ہئی ۔ وزیراعظم آکھیے جو او پی ٹی آئی دی حکومت تے آئی ایم ایف وچال تھیوݨ آلی ڈیل بارے قوم کوں وختی اعتماد وچ گھنساں ۔وزیراعظم آکھیے انشاء اللہ اساں اقتصادی مشکلات توں نکل ویسوں ۔ وزیراعظم آکھیے حیرانگی اے جنہاں آئی ایم ایف نال بدترین معاہدہ کیتا تے غلط معاشی فیصلے کیتے ، کیا او سچ دا سامݨا کرݨ دی ہمت رکھیندن؟انہاں انہاں آکھیے قوم ایں ویلھے جیڑھی معاشی مشکلات توں گزردی پئی اے ایندے ذمہ وار خود کوں کیویں بری الزمہ قرار ݙے سڳدن ۔
