اسلام آباد۔17جون (اے پی پی) گرینڈ ڈیموکریٹک الائنس دی رکن قومی اسمبلی سائرہ بانو پاورٹی ایلیویشن فنڈ دی چیئرپرسن دی حیثیت ںال مفت پٹرول دی سہولت کیتے ݙتا ونڄݨ آلا کارڈ سپیکر قومی اسمبلی کوں واپس کرݙتا۔ قومی اسمبلی اچ اعتراض دے نکتے تے سائرہ بانو آکھیے پٹرولیم مصنوعات دیاں قیمتاں ودھݨ پاروں غریب لوک اوکھ دا شکار ہن ، ایجھے حالات اچ جݙاں ملک اچ پٹرولیم مصنوعات دیاں قیمتاں اچ ݙینھ و ݙینھ ودھارا تھیندا پئے او مفت پٹرول استعمال نی کرسڳدی ۔ انہاں بطور چیئرپرسن پاورٹی ایلیویشن فنڈ مفت پٹرول استعمال کرݨ کیتے ݙتا ڳیا کارڈ واپس کرݙتا۔
