اسلام آباد۔12اگست (اے پی پی) اسلام آباد اچ وطن عزیز دی آزادی دی ڈائمنڈ جوبلی دا جشن مناوݨ کیتے تیاریاں جاری ہن ۔ وفاقی ترقیاتی ادارہ ولوں اہم سرکاری عمارتاں اتے نجی سطح تے تجارتی مراکز کوں برقی قمقماں نال سجایا ویسی۔ اگست دا مہینہ شروع تھویݨ توں قومی پرچماں دی بہار اے ۔ اسلامی جمہوریہ پاکستان کوں معرض وجود اچ آئے 75 سال پورے تھی ڳئن اتے پوری قوم …
اسلام آباد اچ وطن عزیز دی آزادی دی ڈائمنڈ جوبلی دا جشن مناوݨ کیتے تیاریاں جاری ہن
اسلام آباد۔12اگست (اے پی پی) اسلام آباد اچ وطن عزیز دی آزادی دی ڈائمنڈ جوبلی دا جشن مناوݨ کیتے تیاریاں جاری ہن ۔ وفاقی ترقیاتی ادارہ ولوں اہم سرکاری عمارتاں اتے نجی سطح تے تجارتی مراکز کوں برقی قمقماں نال سجایا ویسی۔ اگست دا مہینہ شروع تھویݨ توں قومی پرچماں دی بہار اے ۔ اسلامی جمہوریہ پاکستان کوں معرض وجود اچ آئے 75 سال پورے تھی ڳئن اتے پوری قوم 14 اگست کوں ملک دی آزادی دی ڈائمنڈ جوبلی دا جشن ملی جوش تے جذبے نال منیسی۔ ایں بارے یوم آزادی شایان شان طریقہ نال مناوݨ کیتے سرکاری اتے نجی سطح تے تقریبات دا سلسلہ جاری اے۔ پاکستان دی پہلی دستور ساز اسمبلی دی ڈائمنڈ جوبلی بارے پارلیمنٹ ہائوس اچ وی کنونشنز کیتے ویسن۔ میٹروپولیٹن کارپوریشن اسلام آباد ولوں جمعے 12 اگست کوں فاطمہ جناح پارک اچ ہک تقریب دا اہتمام کیتا ڳیا جئیں اچ مختلف سکولاں دے ٻال شرکت کیتی اتے ساریاں رَل تے ݙاہ ہزار مربع فٹ تے قومی پرچم دی انسانی شبیہ ٻݨائی۔
