قوم جنگ ستمبر 1965 دے شہیداں تے غازیاں کوں خراج عقیدت پیش کریندی اے ، وزیراعظم شہبازشریف

اسلام آباد۔7ستمبر (اے پی پی):وزیراعظم محمد شہبازشریف آکھیے جو قوم جنگ ستمبر 1965 دے شہیداں تے غازیاں کوں خراج عقیدت پیش کریندی اے ،پاک فضائیہ دے شہدا دیاں عظیم قربانیاں توں آپݨے توں 4 گنا وݙے دشمن دے ناپاک عزائم کوں مٹی اچ رلا ݙتا ، آپݨے ھک ٹویٹ اچ انہاں آکھیے جو اڄ 7 ستمبردے ݙینھ پوری قوم یوم فضائیہ منیندی پئی اے ۔ پاکستان دیاں آزاد فضاواں دے محافظاں ہمیشہ اوکھا ویلھا آوݨ تے دشمن کوں اے ڳالھ ݙسائی جو وطن عزیز کنے میلی اکھ ݙیکھݨ آلیں کوں ہمیشہ منہ دی کھاوݨی پوسی ۔ جنگ ستمبر 1965 دےشہیداں تے غازیاں کوں میں سودھے پوری قوم خراج تحسین پیش کریندی اے۔ وزیراعظم آکھیے جو سارے پاکستانی سکوا ڈرن لیڈر سرفراز رفیقی ،سکواڈرن لیڈر منیرالدین اتے، فلائٹ لیفٹیننٹ یونس حسین سودھے پاک فضائیہ دے سارے شیہداں دی شکرگزار اے جنہاں دیاں عظیم قربانیاں آپݨے توں 4 گنا وݙے دشمن دے ناپاک عزائم کوں ݨتی اچ رلا ݙتا۔