وفاقی وزیر اطلاعات و نشریات متاثرین سیلاب دیاں امدادی چیزاں کوں ٹیکس استثنا متعلق کابینہ دے فیصلے دی تفصیل جاری کرݙتی

اسلام آباد۔8ستمبر (اے پی پی):وفاقی وزیر اطلاعات و نشریات مریم اورنگزیب متاثرین سیلاب دیاں امدادی چیزاں تے ٹیکس استثنا ݙیوݨ متعلق کابینہ دے فیصلے دی تفصیل جاری کرݙتی اے ۔ خمیس کوں جاری بیان اچ وفاقی وزیر اطلاعات آکھیے جو وزیراعظم شہباز شریف دی ہدایت تے کابینہ 30 اگست 2022ء کوں ٹیکس استثنا دی منظوری ݙتی ہئی ، متاثرین سیلاب دی مدد کیتے مچھرداݨیان ، ٻیڑیاں سودھے ساریاں امدادی چیزاں کوں ٹیکس توں استثناحاصل اے۔انہاں آکھیے جو کابینہ دی 30 اگست 2022 ء کوں ٹیکساں توں استثنا دی منظوری تے فوری عمل تھیا ہئی ، وزارت خزانہ تے ایف بی آر عمل درآمد دا ”ایس آر او” وی جاری کرݙتا ہئی ۔ ضابطے دے تحت فلاحی و مخیر کم کرݨ آلیں کوں ”این ڈی ایم اے” دا سرٹیفیکیٹ حاصل کرݨا ہوسی۔