اسلام آباد۔9ستمبر (اے پی پی) اسلام آباد ہائی کورٹ لاپتہ افراد کیس دی سماعت 14نومبر تئیں ملتوی کریندیں ہوئیں وزارت داخلہ کوں ہدایت کیتی جو لاپتہ بندیاں بارے سیل ٻݨایا ونڄے۔ جمعے کوں عدالت عالیہ دے چیف جسٹس اطہر من اللہ مدثر نارو وغیرہ لاپتہ کیس دی سماعت کیتی۔ ایں موقع تے وزیر اعظم شہباز شریف عدالت اچ پیش تھیے۔ وفاقی وزیر قانون اعظم نذیر تارڑ اتے وزیر داخلہ رانا …
اسلام ہائی کورٹ دی وزارت داخلہ کوں لاپتہ بندیاں بارے سیل ٻݨاوݨ دی ہدایت، کیس کوں حل کرݨ اچ کوئی کسر نہ چھڑیسوں، وزیر اعظم شہباز شریف دی عدالت کوں یقین دہانی
اسلام آباد۔9ستمبر (اے پی پی) اسلام آباد ہائی کورٹ لاپتہ افراد کیس دی سماعت 14نومبر تئیں ملتوی کریندیں ہوئیں وزارت داخلہ کوں ہدایت کیتی جو لاپتہ بندیاں بارے سیل ٻݨایا ونڄے۔ جمعے کوں عدالت عالیہ دے چیف جسٹس اطہر من اللہ مدثر نارو وغیرہ لاپتہ کیس دی سماعت کیتی۔ ایں موقع تے وزیر اعظم شہباز شریف عدالت اچ پیش تھیے۔ وفاقی وزیر قانون اعظم نذیر تارڑ اتے وزیر داخلہ رانا ثناءاللہ وی وزیراعظم نال پیش تھیے۔ سݨیج دے موقع تے وفاقی وزیر اطلاعات و نشریات مریم اورنگزیب وی موجود ہن۔ وزیر اعظم شہباز شریف عدالت کوں لاپتہ بندیاں دے کیس کوں حل کرݨ دا یقین ݙویندیں ہوئیں آکھیا جو او عوام اتے اللہ تعالیٰ کوں جواب دہ ہن۔ بعد اچ عدالت وزیر قانون سینیٹر اعظم نذیر تارڑ ولوں اقدامات کیتے ݙو مہینے دی مہلت ݙیوݨ دی استدعا منظور کریندیں ہوئیں مدثر نارو سوھے بئے لاپتہ بندیاں دے کیس دی سماعت 14 نومبر تئیں ملتوی کر ݙتی۔
