پاک فضائیہ دی خیبر پختونخوا، سندھ، بلوچستان اتے جنوبی پنجاب دے چھل توں متاثرہ علاقیاں اچ امدادی کاروائیاں جاری ہن

اسلام آباد۔9ستمبر (اے پی پی) پاک فضائیہ دی خیبر پختونخوا، سندھ، بلوچستان اتے جنوبی پنجاب دے چھل توں متاثرہ علاقیاں اچ امدادی کاروائیاں جاری ہن ۔ پاک فضائیہ پرے دے علاقیاں اچ راشن، دوائیں، اتے ضروری شہیں سٹݨ کیتے ہیلی کاپٹر استعمال کریندی پئی اے جیڑھے علاقیاں دے زمینی رابطے مکمل ترٹ ڳئن۔ چھل متاثرین دی ودھ توں ودھ امداد کیتے فلڈ ریلیف کیمپاں اچ بحالی دے کماں کوں ٻیا تکھا کر ݙتا ڳئے۔ پاک فضائیہ دے اہلکار وی سیلاب زدگان کوں خوراک اتے طبی امداد ݙیوݨ کیتے ݙینھ رات مصروف ہن۔ ترجمان پاک فضائیہ دے مطابق چھل متاثرین دی تکلیفاں دے ضروری ازالے کیتے پاک فضائیہ دی ایمرجنسی رسپانس ٹیماں پچھلے چووی گھنٹیاں اچ ضرورت مند ٹٻراں اچ 23120 پکیے ہوئے کھانے دے پیکٹ، 2130 پاݨٰی دی بوتلاں اتے 3348 خشک راشن دے پیکٹ تقسیم کیتن۔