سی پیک پاک چین دوستی دا پرچم بردار اتے اہمیت دا حامل منصوبہ اے، اڄوکی حکومت چینی سرمایہ کاراں کوں ہر قسم دی سہولت ݙیسی، مفتاح اسماعیل

اسلام آباد۔9ستمبر (اے پی پی) وفاقی وزیر خزانہ تے محصولات مفتاح اسماعیل آکھیا جو سی پیک پاک چین دوستی دا پرچم بردار اتے اہمیت دا حامل منصوبہ اے، اڄوکی حکومت چینی سرمایہ کاراں کوں ہر قسم دی سہولت ݙیسی۔ اے ڳالھ انہاں جمعے کوں اتھاں چینی آئی پی پیز کوں ادائیگیاں دے معاملے تے ہک اجلاس دی صدارت کریندیں ہوئیں آکھی۔ وفاقی وزیر برائے بجلی خرم دستگیر خان، وزیراعظم دے معاون خصوصی محمد جہانزیب خان، وزیر اعظم دے معاون خصوصی طارق فاطمی ، ظفرالدین محمود، سیکرٹری پاور، چینی آئی پی پیز دے سی ای اوز اتے وزارت خزانہ اتے پاور ڈویژنز دے سینیئر افسران اجلاس اچ شریک تھیے۔ ملاقات اچ پاکستان اچ چینی آئی پی پیز کوں بقایا اجات دی دائیگیاں دے معاملے اتے انہاں کوں درپیش ٻئے مسئلیاں تے ڳالھ مہاڑ کیتی ڳئی۔ وزیر خزانہ مفتاح اسماعیل آکھیا جو سی پیک پاک چین دوستی دا پرچم بردار اتے اہمیت دا حامل منصوبہ اے، اڄوکی حکومت چینی سرمایہ کاراں کوں ہر قسم دی سہولت ݙیسی۔