ایف بی آر دی چھل متاثرین دی امداد کیتے آوݨ آلی کھیپاں کوں چووی گھنٹیاں دے اندر کلیئر کراوݨ کیتے چیف کلکٹرز کسٹمز کوں ہدایات جاری

اسلام آباد۔9ستمبر (اے پی پی) فیڈرل بورڈ آف ریونیو(ایف بی آر) ایف بی آر دی چھل متاثرین دی امداد کیتے آوݨ آلی کھیپاں کوں چووی گھنٹیاں دے اندر کلیئر کراوݨ کیتے چیف کلکٹرز کسٹمز کوں ہدایات جاری کر ݙتن۔ جمعے کوں جاری بیان موجب ترجمان ایف بی آر آکھیا جو ریلیف دی کاروائیاں تکھی کرݨ کیتے ایف بی آر سارے چیف کلکٹرز کسٹمزکوں این ڈی ایم اے اتے پی ڈی ایم ایز نال رابطہ رکھݨ اتے ریلیف کیتے آوݨ آلی کنسائنمنٹس کوں چووی گھنٹیاں اچ کلیئر کراوݨ دی ہدایت ݙے ݙتن۔ ترجمان ہک واری ولا وضاحت کیتے جو چھل متاثرین کیتے درآمد تھیوݨ آلے ریلیف شہیں تے کسٹم ڈیوٹی، ریگولیرٹی ڈیوٹی، سیلزٹیکس ، ایڈوانس انکم ٹیکس سمیت سارے ٹیکساں دی نوے ݙینھ تئیں چھوٹ ݙتی ڳئی اے۔ این ڈی ایم اے اتے پی ڈی ایم ایز دی تصدیق دے بعد ایجھی درآمدی سامان تے ٹیکساں دی چھوٹ ہوسی جئیں دا اطلاق 30 اگست 2022 توں نوے ݙینھ کیتے ہوسی۔