پاکستان اچ موسمیاتی تبدیلیاں پاروں سیلاب دا سامݨا اے، عالمی برادری ہتھ ونݙاوے، وزیراعظم دی انتونیو گوتیرس نال میڈیا نال ڳالھ مہاڑ

اسلام آباد۔9ستمبر(اے پی پی)اقوام متحدہ دے سیکرٹری جنرل انتونیو گوتیرس اتے وزیراعظم محمد شہباز شریف پاکستان دے سیلاب متاثرین دی بحالی اتے تعمیرنو کیتے عالمی برادری ودھ تے ہتھ ونݙاوݨ دی اپیل کیتی اے۔ اے ڳالھیں انہاں نیشنل فلڈ رسپانس کوآرڈینیشن سنٹر (این ایف آر سی سی) دے دورے ویلھے مشترکہ کانفرنس اچ آکھی۔ اقوام متحدہ دے سیکرٹری جنرل آکھیا جو میں ایں توں پہلے بطور سربراہ اقوام متحدہ ہائی کمشنر برائے مہاجرین کم کرچکیاں، افغان مہاجرین کیتے پاکستان دی مہمان نوازی مثالی اے، 2005 دے زلزلے اتے 2010 دے سیلاب دے بعد وی پاکستان دا دورہ کیتے، اڄ پاکستان ہک وݙے قدرتی المیے دا شکار اے، اتنی وݙی آفت کتھائیں نئیں ݙٹھی، اے موسمیاتی تبدیلیاں دے اثرات ہین، وݙی تعداد اچ لوک متاثر ہین، پاکستان کوں ایں آفت نال نٻݨ کیتے ودھ وسائل دی لوڑھ اے، سیلاب نال 30 ارب ڈالر دا نقصان تھئے، اے یکجہتی نئیں انصاف دا معاملہ اے، ایں ویلھے امداد و بھالیس ودھا پاکستان دے معاشی استحکام ڄھیں وݙے چیلنجز ہین، موسمیاتی تبدیلیاں نال نبڑݨ کیتے رل تے کم کرݨا ہوسی، ایں اوکھے ویلھے وسائل سانڳے ڄڳ متاثرین دے ریسکیو و ریلیف دے مرحلے دے بعد بحالی اتے تعمیرنو کیتے پتھ ونݙاوے۔