وزیر اعظم محمد شہباز شریف اتے اقوام متحدہ دے سیکرٹری جنرل انٹونیو گوتریس دا چھل توں متاثر اوستہ محمد، ضلع جعفرآباد اچ ریلیف کیمپ اتے کیمپ اچ ٻݨیے سکول دا دورہ، چھل متاثرین نال ڳالھ مہاڑ

ڈیرہ اللہ یار ۔10ستمبر (اے پی پی) وزیر اعظم محمد شہباز شریف اتے اقوام متحدہ دے سیکرٹری جنرل انٹونیو گوتریس دا چھل توں متاثر اوستہ محمد، ضلع جعفرآباد اچ ریلیف کیمپ اتے کیمپ اچ ٻݨیے سکول دا دورہ، چھل متاثرین نال ڳالھ مہاڑ کیتی۔ وزیر اعظم اتے سیکرٹری جنرل دے کیمپ اچ ٻݨیے سکول دے دورہ دے موقع تے ٻالاں انہاں دا پرتپاک خیرمقدم کیتا۔ سیکرٹری جنرل ایں موقع تے ٻالاں نال ڳالھ مہاڑ کریندیں ہوئیں آکھیا جواقوام متحدہ ٻالاں دی تعلیم کیتے آپݨا کردار ادا کریسی۔ ایں موقع تے وزیر اعلی بلوچستان عبدالقدوس بزنجو اقوام متحدہ دے سیکرٹری جنرل اتے وزیر اعظم کوں بلوچستان اچ چھل دی تباہ کاریاں بارے بریفنگ ݙتی۔ انہاں ݙسیا جو موسمیاتی تبدلیاں پاروں بلوچستان اچ گزریل سالیں دے مقابلے معمول توں ودھ بارشاں تھین۔ چھل پاروں بلوچستان دا وݙا رقبہ متاثر تھیے۔ لائیو سٹاک، ریلوے اتے سڑکاں دا ٻہوں نقصان تھیے۔ چھل متاثرین دی بحالی صوبائی حکومت کیتے ہک ٻہوں وݙا چینلج اے۔ چھل توں متاثرہ علاقیاں اچ میڈیکل کیمپ لاتے ڳئن۔ بلوچستان دے پنج ضلعیاں اچ چھل دا پاݨی موجود اے۔ متاثرین دی بحالی کیتے مالی امداد دی لوڑھ اے۔ ایں موقع تے وزیراعظم آکھیا جو چھل متاثرین دی بحالی ساریاں توں وݙا چیلنج اے۔ عالمی برادری پاکستان دی مدد کرے۔ وزیر اطلاعت ونشریات مریم اورنگ زیب ،وزیر خارجہ بلاول بھٹو زرداری،وزیر منصوبہ بندی احسن اقبال وی وزیراعظم دے رلے ہن۔