چھل توں متاثرہ ٹٻراں کیتے پنجوی ہزار روپے ٻہوں معنی رکھیندن، شازیہ مری

اسلام آباد۔12ستمبر (اے پی پی) وفاقی وزیر برائے تخفیف غربت تے سماجی تحفظ/ چیئرپرسن بینظیر انکم سپورٹ پروگرام (بی آئی ایس پی) شازیہ مری آکھیا جو چھل توں متاثرہ ٹٻراں کیتے پنجوی ہزار روپے ٻہوں معنی رکھیندن جنہاں چھل اچ آپݨا سارا کجھ ونڄا ݙتے۔ غیر معمولی حالات دے باوجود بینظیرانکم سپورٹ پروگرام ڳھٹ عرصے اچ 946813 چھل توں متاثرہ ٹبراں اچ 23 ارب روپے توں ودھ دی رقم تقسیم کیتی اے۔ انہاں آکھیا جو اے اعزاز دی ڳالھ اے جو وزیراعظم کیش ریلیف دی تقسیم کیتے بینظیر انکم سپورٹ پروگرام کوں چݨیے۔ سنوار دی شام تئیں ایں پروگرام دے تحت 946813 متاثرہ ٹٻراں اچ کل 23670325000 روپے دی رقم تقسیم کیتی ڳئی اے۔ بلوچستان اچ 116753 متاثرہ ٹبراں کوں 2918825000 روپے مل ڳئن۔سندھ اچ 564472 ٹبراں کوں 14111800000 روپے مل ڳئن۔ خیبرپختونخوا اچ 116962 ٹبراں کوں 2924050000 روپے اتے پنجاب اچ 148626 ٹبراں کوں 3715650000 روپے ملین۔