اسلام آباد۔13ستمبر (اے پی پی):وفاقی وزیر قومی صحت عبدالقادر پٹیل ڈرگ ریگولیٹری اتھارٹی دی طرفوں 10 دوائیں دیاں قیمتاں ودھاوݨ دی سمری کوں مسترد کرݙتے ۔ منگل کوں آپݨے ھک بیان اچ انہاں آکھیے جو میں ھک سیاسی کارکن ہاں تے غریب دی خدمت کرݨ میݙا نصب العین اے۔ انہاں آکھیے جو غریب عوام تے دوائیں دیاں قیمتاں ودھاوݨ دا ٻوجھ نہ پیساں ۔ انہاں آکھیے جو دوائیں دیاں قیمتاں …
ݙاہ دوائیں اچ قیمتاں ودھاوݨ دی سمری کوں مسترد کرݙتے ، وفاقی وزیر قومی صحت
اسلام آباد۔13ستمبر (اے پی پی):وفاقی وزیر قومی صحت عبدالقادر پٹیل ڈرگ ریگولیٹری اتھارٹی دی طرفوں 10 دوائیں دیاں قیمتاں ودھاوݨ دی سمری کوں مسترد کرݙتے ۔ منگل کوں آپݨے ھک بیان اچ انہاں آکھیے جو میں ھک سیاسی کارکن ہاں تے غریب دی خدمت کرݨ میݙا نصب العین اے۔ انہاں آکھیے جو غریب عوام تے دوائیں دیاں قیمتاں ودھاوݨ دا ٻوجھ نہ پیساں ۔ انہاں آکھیے جو دوائیں دیاں قیمتاں ودھاوݨ کیتے دبائو پاتا ویندا پئے لیکن میں کہیں قسم دے دبائو اچ نہ آساں ، انہاں آکھیے جو دوائیں دیاں قیمتاں نہ ودھݨ ݙیسوں ، انہاں آکھیے گزریل دور حکومت اچ 570 دوائیں دیاں قیمتاں 179فیصد ودھایاں ڳئن ، انہاں آکھیے پاکستان ایں ویلھے اوکھی صورت حال توں گزردا پئے ، ملک اچ نقلی دوائیں ویچݨ آلیں دے خلاف کریک ڈائون کیتا ویندا پئے ، انہاں آکھیے جو حکومت دی منظور شدہ قیمت توں ودھ وصول کرݨ آلیں دے خلاف وی سخت کاروائی کیتی ویسی ۔
