سیلاب دے علاقیں اچ 25 ہیلتھ کیمپس اچ متاثرہ لوکاں کوں طبی امداد ݙتی ویندی پئی اے ، وفاقی وزیر صحت

اسلام آباد۔13ستمبر (اے پی پی):وفاقی وزیر صحت عبدالقادر پٹیل دی خصوصی ہدایت تے سیلاب توں متاثرہ علاقیں اچ ہیلتھ کیمپس لاوݨ دا سلسلہ جاری اے ۔اپݨے بیان اچ انہاں آکھیے جو ہیلتھ کیمپس قومی و صوبائی پولیو ایمرجنسی آپریشنز سنٹرز اتے آ غا خان ہسپتال دی سانجھ نال لاتے ویندے پئن ، انہاں آکھیے سیلاب آلے علاقیں اچ 25 ہیلتھ کیمپس اچ طبی امداد ݙتی ویندی پئی اے ۔خیبرپختونخوا اچ 16، پنجاب اچ 4 اتے سندھ اچ 5 ہیلتھ کیمپس اچ طبی امداد ݙتی ویندی پئی اے۔ وفاقی وزیر صحت آکھیے جو ہیلتھ کیمپس اچ صحت دیاں بنیادی سہولتاں ݙتیاں ویندیاں پئن ، انہاں آکھیے جو کیمپس اچ دوائیں تے ٻالاں دی ویکسی نیشن کوں یقینی بݨیندے پیوں عبدالقادر پٹیل آکھیے جو جلد دے امراض،اکھ دے انفیکشن، اینٹی ڈائریا دیاں دوائیں وی ݙتیاں ویندیاں پئن۔انہاں آکھیے جو وزارت صحت صوبائی حکومت دے نال رل تے سیلاب متاثرین کوں طبی سہولتاں ݙیوݨ کوں یقینی بݨاوݨ کیتے پرعزم اے ۔