قومی اسمبلی دے 8 حلقیاں اچ ضمنی انتخاب کیتے پولنگ 16 اکتوبر کوں تھیسی، الیکشن کمیشن دا اعلان

اسلام آباد۔14ستمبر(اے پی پی)الیکشن کمیشن قومی اسمبلی دے 8 حلقیاں اچ ضمنی انتخاب کیتے پولنگ دا 16 اکتوبر کوں موقع رکھیے۔ قومی اسمبلی دے ہک اتے پنجاب اسمبلی دے 3 حلقیاں اچ 9 اکتوبر کو تھیوݨ آلی پولنگ وی 16 اکتوبر کوں تھیسی۔ اے فیصلہ چیف الیکشن کمشنر سکندرسلطان راجہ دی اڳواݨی اچ الیکشن کمیشن دے اجلاس اچ کیتا ڳئے۔ حلقہ این اے 157 ملتان چار، پی پی 139 شیخوپورہ پنج، ی پی 209 خانیوال ست اتے پی پی 241 بہاولنگر پنج اچ 9 اکتوبر کون پولنگ تھیوݨی ہئی جیڑھی ہݨ 16 اکتوبر کوں تھیسی۔ اے فصلہ 9 اکتوبر کوں عید میلاد النبی پاروں کیتا ڳئے۔ اجلاس موجب قومی اسمبلی دے حلقیاں این اے 22 مردان 3، این اے 24چارسدہ ٹو، این اے 31 پشاور پنج، این اے 45 کرم ہک، این اے 108فیصل آباد اٹھ، این اے 118 ننکانہ صاحب ٹو، این اے 237 ملیر ٹو اتے این اے 239 کورنگی کراچی ہک اچ پولنگ 16اکتوبر کوں تھیسی۔ الیکشن کمیشن فیصلہ کیتے جو کراچی ڈویژن دے سارے اضلاع اچ پولنگ 23 اکتوبر کوں تھیسی۔