پاکستان دے سیلاب زدگان کیتے متحدہ عرب امارات توں مزید 2 امدادی پروازاں پاکستان پڄ ڳئن

اسلام آباد۔15ستمبر (اے پی پی):پاکستان دے سیلاب زدگان کیتے متحدہ عرب امارات توں مزید 2 امدادی پروازاں پاکستان پج ڳئن ۔ دفتر خارجہ موجب ݙوہیں پروازاں جناح انٹرنیشنل ایئرپورٹ کراچی تے لتھن ۔ پاکستان تے متحدہ عرب امارات وچال انسانی ہمدردی دی بنیاد تے قائم کیتے ڳئے فضائی پل دے تسلسل اچ متحدہ عرب امارات توں سیلاب زدگان کیتے ہݨ تئیں مجموعی طور تے 43 پروازاں خوراک، طبی سامان اتے خیمے گھن تے پاکستان پڄن ۔ ترجمان آکھیے جو پاکستان آزمائش دے ایں ویلھے اچ حمایت اتے یکجہتی دا مظاہرہ کرݨ تے متحدہ عرب امارات دی حکومت اتے عوام دا شکر گزار اے۔