ملک اچ مون سون دی تباہ کن بارشاں اتے چھل پاروں ہلاکتاں دی تعداد ودھ تے 1486 تھی ڳئی اے، گزریل چووی گھنٹیاں اچ ٻئے پنج بندے جاں بحق تھیے، این ڈی ایم اے رپورٹ

اسلام آباد۔15ستمبر (اے پی پی) ملک اچ مون سون دی تباہ کن بارشاں اتے چھل پاروں ہلاکتاں دی تعداد ودھ تے 1486 تھی ڳئی اے، گزریل چووی گھنٹیاں اچ ٻئے پنج بندے جاں بحق تھیے۔ بارشاں دے موسم دے شروع توں ہݨ تئیں 12,749 افراد دے زخمی تھیے۔ نیشنل ڈیزاسٹر مینجمنٹ اتھارٹی (این ڈی ایم اے) معمول دی بنیاد تے چووی گھنٹے دی صورتحال دی رپورٹ جاری کیتی جئیں اچ ملک دے مختلف حصیاں اچ تھیوݨ آلی شدید بارشاں پاروں مجموعی طور تے جانی، املاک اتے بنیادی ڈھانچے تے تھیوݨ آلے نقصانات دا جائزہ ڳھدا ڳیا۔ رپورٹ دے مطابق موسلادھار بارشاں اتے طوفانی سیلاب پاروں مختلف علاقیاں اچ اموات تھین۔ بلوچستان اچ قلعہ سیف اللہ اچ ہک مرد، تریمت اتے ہک ٻال جاں بحق تھیا جݙانجو خیبرپختونخوا (کے پی) دے ضلع کرم اچ ہک بندہ اتے ٻال دے جاں بھق اتے ہک بندہ زخمی تھیوݨ دی اطلاع اے۔