سمرقند۔15ستمبر (اے پی پی) وزیراعظم محمد شہبازشریف خمیس کوں سمرقند اچ شنگھائی تعاون تنظیم (ایس سی او) دے سربراہ اجلاس دے موقع تے تاجکستان دے صدر امام علی رحمان نال ملاقات کیتی اتے ݙوہیں ملکاں وچال قابل اعتماد اتے تعمیری اعلیٰ سطحی رابطے، بین الپارلیمانی روابط، دفاعی اتے سیکورٹی تعلقات کوں ودھاوݨ تے ڳالھ مہاڑ کیتی اتے خطے خصوصی طور افغانستان اچ امن، استحکام اتے سلامتی کوں مضبوط ٻݨاوݨ تے …
وزیراعظم محمد شہبازشریف دی تاجکستان دے صدر امام علی رحمان نال ملاقات ، علاقائی اتے بین الاقوامی مسئلیاں سودھے ݙو پاسہ تعاون دے سارے پہلواں تے ڳالھ مہاڑ کیتی
سمرقند۔15ستمبر (اے پی پی) وزیراعظم محمد شہبازشریف خمیس کوں سمرقند اچ شنگھائی تعاون تنظیم (ایس سی او) دے سربراہ اجلاس دے موقع تے تاجکستان دے صدر امام علی رحمان نال ملاقات کیتی اتے ݙوہیں ملکاں وچال قابل اعتماد اتے تعمیری اعلیٰ سطحی رابطے، بین الپارلیمانی روابط، دفاعی اتے سیکورٹی تعلقات کوں ودھاوݨ تے ڳالھ مہاڑ کیتی اتے خطے خصوصی طور افغانستان اچ امن، استحکام اتے سلامتی کوں مضبوط ٻݨاوݨ تے رل تے کم کرݨ تے اتفاق کیتا۔ ݙوہیں رہنماواں علاقائی اتے بین الاقوامی مسئلیاں سودھے آپسی طور تے فائدہ مند ݙو پاسہ تعاون دے سارے پہلواں دا احاطہ کریندیں ہوئیں تفصیلی ڳالھ مہاڑ کیتی۔ تاجک صدر امام علی رحمان پاکستان اچ اڄوکے چھل پاروں تھیوݨ آلے انسانی جاناں دے ضیان تے ہمدردی اتے تعزیت کیتی اتے متاثرہ لوکاں دی امداد اتے ٻحالی دی کوششاں اچ تاجکستان ولوں تعاون دا یقین ݙوایا۔ وزیراعظم پاکستان اچ چھل متاثرین دی مدد تے تاجکستان دا شکریہ ادا کیتا اتے موسمیاتی تبدیلیاں پاروں تھیوݨ آلے وݙے چھل پاروں تھیوݨ آلی تباہی دا ݙسیا۔ انہاں اہم کاسا 1000 پاور ٹرانسمیشن منصوبے دی ویلھے تے تکمیل کیتے پاکستان دے عزم دا اعادہ کیتا۔ وزیراعظم شہباز شریف صدر امام علی رحمان کوں دورہ پاکستان دی دعوت ݙتی جݙانجو تاجک صدر امام علی رحمان وزیراعظم محمد شہباز شریف کوں تاجکستان دے دورے دی دعوت وی ݙتی۔
