کراچی۔15ستمبر (اے پی پی) وفاقی وزیر مواصلات مولانا اسد محمود ہدایت کیتی جو صوبائی حکومت نال رَل تے قومی تے صوبائی سڑکاں کوں بحال کیتا ونڄے، سارے وسائل لا تے جلدی توں جلدی ہائی ویز اتے سارے رستیاں دی بحالی ممکن ٻݨائی ونڄے۔ ترجمان نیشنل ہائی ویز اتھارٹی ولوں خمیس کوں جاری بیان موجب وفاقی وزیر مواصلات مولانا اسد محمود اے ہدایات نیشنل ہائی وے اتھارٹی کراچی ہیڈکوارٹر دے دورہ …
صوبائی حکومت نال رَل تے قومی تے صوبائی سڑکاں کوں بحال کیتا ونڄے، سارے وسائل لا تے جلدی توں جلدی ہائی ویز اتے سارے رستیاں دی بحالی ممکن ٻݨائی ونڄے، وفاقی وزیر مواصلات مولانا اسد محمود دی ہدایت
کراچی۔15ستمبر (اے پی پی) وفاقی وزیر مواصلات مولانا اسد محمود ہدایت کیتی جو صوبائی حکومت نال رَل تے قومی تے صوبائی سڑکاں کوں بحال کیتا ونڄے، سارے وسائل لا تے جلدی توں جلدی ہائی ویز اتے سارے رستیاں دی بحالی ممکن ٻݨائی ونڄے۔ ترجمان نیشنل ہائی ویز اتھارٹی ولوں خمیس کوں جاری بیان موجب وفاقی وزیر مواصلات مولانا اسد محمود اے ہدایات نیشنل ہائی وے اتھارٹی کراچی ہیڈکوارٹر دے دورہ اتے سندھ دی چھل توں متاثرہ سڑکاں دی صورتحال تے بریفنگ اچ جاری کیتی۔ وفاقی سیکرٹری مواصلات و چیئرمین این ایچ اے کیپٹن (ر) خرم آغا ، علامہ راشد سومرو وی مولانا اسعد محمود دے نال ہن۔ وزیر مواصلات کوں چھل پاروں ہائی ویز دی صورتحال تے سیکرٹری مواصلات کیپٹن(ر) خرم آغا اتے ممبر ساؤتھ زون منیر احمد میمن ولوں تفصیلی بریفنگ ݙتی ڳئی۔ وفاقی وزیر کوں ݙسیا ڳیا جو انڈس ہائے وے چھل پاروں اڄاں تئیں متاثر اے۔ مہران ہائی وے تے سنگل ٹریک ہوݨ پاروں ٹریفک نی چل سڳدی۔ این ایچ اے دا عملہ ݙینھ رات نیشنل ہائی وے سودھی ٻئی سڑکاں دی بحالی تے کم کریندا پئے۔
