کراچی۔15ستمبر(اے پی پی)صدر مملکت ڈاکٹر عارف علوی وفاقی اردو یونیورسٹی، ہائر ایجوکیشن کمیشن (ایچ ای سی) اتے وزارت وفاقی تعلیم و پیشہ ورانہ تربیت کوں آکھیے جو وفاقی اردو یونیورسٹی برائے آرٹس، سائنسز اینڈ ٹیکنالوجی (ایف یو یو اے ایس ٹی) کراچی دے مستقل وائس چانسلر دی تقرری دا عمل تیز کیتا ونڄے۔ صدر مملکت اے ڳالھ انہاں گورنر ہائوس کراچی اچ وفاقی اردو یونیورسٹی دی سینیٹ اجلاس دی صدارت …
وفاقی اردو یونیورسٹی کراچی دے مستقل وائس چانسلر دی تقرری دا عمل تیز کیتا ونڄے، صدر مملکت ڈاکٹر عارف علوی
کراچی۔15ستمبر(اے پی پی)صدر مملکت ڈاکٹر عارف علوی وفاقی اردو یونیورسٹی، ہائر ایجوکیشن کمیشن (ایچ ای سی) اتے وزارت وفاقی تعلیم و پیشہ ورانہ تربیت کوں آکھیے جو وفاقی اردو یونیورسٹی برائے آرٹس، سائنسز اینڈ ٹیکنالوجی (ایف یو یو اے ایس ٹی) کراچی دے مستقل وائس چانسلر دی تقرری دا عمل تیز کیتا ونڄے۔ صدر مملکت اے ڳالھ انہاں گورنر ہائوس کراچی اچ وفاقی اردو یونیورسٹی دی سینیٹ اجلاس دی صدارت کریندے آکھی۔ اجلاس اچ یونیورسٹی دے سینیٹ ممبران، وزارت وفاقی تعلیم دے نمائندے اتے چیئرمین ایچ ای سی ویڈیو لنک تے شرکت کیتی۔ صدر مملکت ڈاکٹر عارف علوی وفاقی اردو یونیورسٹی برائے آرٹس، سائنسز اینڈ ٹیکنالوجی دی سینیٹ کوں آکھیے جو او ترقیاں، تنخاہواں دی عدم ادائیگی، وائس چانسلر دی تقرری اتے یونیورسٹی دی اگلی سینیٹ کیتے نامزدگی کمیٹی ٻݨاوݨ بارے سینیٹ دے ہر رکن اتے متعلقہ سٹیک ہولڈرز دی آراء اتے تجاویز دے اتفاق رائے آلے فیصلے کرے۔ اجلاس اچ ڈاکٹر محمد ضیاء الدین کوں یونیورسٹی دا قائم مقام وائس چانسلر وی مقرر کیتا ڳئے جو مستقل وائس چانسلر دی تعیناتی تئیں اپݨے فرائض انجام ݙیندے راہسن۔
