بینظیر کفالت پروگرام دے شروع توں ہݨ تئیں 7.9 ملین مستفیدین اچ 1.309 ٹریلین روپے تقسیم کیتے ڳئن۔ وفاقی وزیر شازیہ مری

اسلام آباد۔16ستمبر (اے پی پی) وفاقی وزیر برائے تخفیف غربت تے سماجی تحفظ / چیئرپرسن بینظیر انکم سپورٹ پروگرام (بی آئی ایس پی ) شازیہ مری آکھیا جو بینظیر کفالت پروگرام دے شروع توں ہݨ تئیں 7.9 ملین مستفیدین اچ 1.309 ٹریلین روپے تقسیم کیتے ڳئن۔ بی آئی ایس پی معاشرے دے غریب اتے پسماندہ طبقے دی فلاح تے بہبود کیتے ساریاں توں کامیاب سماجی تحفظ پروگرام اے۔ ملک اچ اڄوکے چھل اچ بی آئی ایس پی چھل توں متاثرہ 946,967 ٹبراں اچ 27,645 ملین روپے تقسیم کیتن۔ اے ڳالھیں انہاں بی آئی ایس پی ہیڈ کوارٹرز اسلام آباد اچ عالمی بینک دے وفد نال ملاقات اچ آکھی۔ ملاقات اچ وفد کوں بینظیر انکم سپورٹ پروگرام دے تحت کیتے ڳئے اقدامات بارے بریفنگ ݙتی ڳئی۔ انہاں وفد کوں ݙسیا جو بینظیر کفالت پروگرام دے شروع توں ہݨ تئیں 7.9 ملین مستفیدین اچ 1.309 ٹریلین روپے تقسیم کیتے ڳئن۔