اکتوبر توں فیول پرائس ایڈجسٹمنٹ ڳھٹݨ لڳ ویسی، نیٹ میٹرنگ نظام اچ کوئی تبدیلی نئیں تھیندی پئی، وفاقی وزیر توانائی خرم دستگیر

گوجرانوالہ۔17ستمبر(اے پی پی)وفاقی وزیر توانائی خرم دستگیر خان آکھیے جو نیٹ میٹرنگ نظام اچ کوئی تبدیلی نئیں تھیندی پئی، جیندے گھر سولر لگے ہوعن انہاں کیتے کوئی تبدیلی کائنی، اکتوبر توں فیول پرائس ایڈجسٹمنٹ ڳھٹݨ لڳ ویسی۔ گوجرانوالہ اچ پریس کانفرنس کریندے انہاں آکھیا جو وزیراعظم شہباز شریف آرمی چیف لاوݨ دا برطانیہ اچ مسلم لیگ ن دے قائد نواز شریف دی صلاح نال کریسن۔ انہاں آکھیا جو مخالفین ٻھاوین جتنیاں ملاقاتاں کریندے ودے راہون، نواں آرمی چیف نوازشریف دی مرضی نال ہی لڳݨے ایں سانڳے شہباز شریف لندن ویندے پن، آخری فیصلہ وزیراعظم ہی کریسن تے جیکر عمران خان عوام دے اتنے ہی خیرخواہ ہین تاں انہاں کوں خیر پور ناتھن شاہ ونڄݨا چاہیدے۔ خرم دستگیر ہک سوال دے ولدے تے آکھیا جو مریم نواز پارٹی دی نائب صدر ہین اتے انہاں دی اپݨی رائے اے، پارٹی اچ ہر کوئی ݙوڄھے دی رائے کوں محترم ڳݨدے۔