وزیر اعظم اقوام متحدہ جنرل اسمبلی اجلاس اچ موسمیاتی تبدیلی، جموں و کشمیر سودھا اقوام متحدہ دے ایجنڈے تے غیر حل شدہ مسلیاں اتے علاقائی و بین الاقوامی امور تے خطاب کریسن

اسلام آباد۔18ستمبر(اے پی پی)وزیراعظم محمد شہباز شریف اقوام متحدہ دی جنرل اسمبلی دے 77ویں اجلاس اچ شریک تھیسن اتے اتھاں موسمیاتی تبدیلی، جموں و کشمیر سودھا اقوام متحدہ دے ایجنڈے تے غیر حل شدہ مسلیاں اتے علاقائی و بین الاقوامی امور تے خطاب کریسن۔ ترجمان دفتر خارجہ آکھیے جو اقوام متحدہ دی جنرل اسمبلی (یو این جی اے ) دا 77واں اجلاس 19 توں 23 ستمبر کوں نیویارک اچ تھیندا پئے۔ دورہ امریکا اچ وزیر خارجہ بلاول بھٹو زرداری اتے کابینہ دے ٻئے ارکان وی نال ہین۔ وزیر اعظم 23 ستمبر کوں جنرل اسمبلی نال خطاب کریسن۔ وزیر اعظم موسمیاتی تبدیلی پاروں ملک اچ تباہ کن سیلاب دی صورتحال، مستقبل دے خطریاں تے الیسن۔ اجلاس اچ وزیر اعظم افریقی یونین، یورپی یونین اتے امریکا دے ڳانݙھے نال گلوبل فوڈسیکورٹی کانفرنس اچ شرکت دے علاوہ موسمیاتی تبدیلی مسائل مکاوݨ بارے سی او پی 27 دے اجلاس اچ وی شرکت کریسن۔ وزیر اعظم جنرل اسمبلی دے اجلاس ویلھے جنرل اسمبلی دے صدر، اقوام متحدہ دے جنرل سیکرٹری، بین اقوامی اداریاں دے سربراہواں، آئی ایف آئیز اتے سماجی خدمت دے اداراں دے سربراہان اتے کئی ملکاں دے ہم منصباں نال وی ملسن۔ او عالمی میڈیا نال وی ڳالھ مہاڑ کریسن۔