لندن۔19ستمبر (اے پی پی) وزیراعظم محمد شہبازشریف سنوار کوں عالمی رہنماواں اتے شاہی خاندان دے اراکین نال ویسٹ منسٹر ایبے اچ ملکہ برطانیہ دی چھیکڑی رسومات اچ شرکت کیتی ۔وزیراعظم خصوصی طورتے کوئین الزبتھ دی چھیکڑی رسومات اچ شرکت کیتے لندن پڄیے ہن جیڑھی جو اٹھ ستمبر کوں 96 سال دی عمر اچ وفات پا ڳئی ہن۔ پوری دنیا اچوں پنڄ سو توں ودھ ملکاں دے نمائندے ملکہ دی چھیکڑی …
وزیراعظم شہبازشریف عالمی رہنماواں دے رلے ویسٹ منسٹر ایبے اچ ملکہ برطانیہ دی چھیکڑی رسومات اچ شرکت کیتی
لندن۔19ستمبر (اے پی پی) وزیراعظم محمد شہبازشریف سنوار کوں عالمی رہنماواں اتے شاہی خاندان دے اراکین نال ویسٹ منسٹر ایبے اچ ملکہ برطانیہ دی چھیکڑی رسومات اچ شرکت کیتی ۔وزیراعظم خصوصی طورتے کوئین الزبتھ دی چھیکڑی رسومات اچ شرکت کیتے لندن پڄیے ہن جیڑھی جو اٹھ ستمبر کوں 96 سال دی عمر اچ وفات پا ڳئی ہن۔ پوری دنیا اچوں پنڄ سو توں ودھ ملکاں دے نمائندے ملکہ دی چھیکڑی رسومات اچ شریک تھیے جئیں اچ امریکا دے صدر جوبائیڈن ، چین دے نائب صدر وانگ کشان ، جاپان دےشہنشاہ ناروہیٹو، اردن دے شاہ عبداللہ ، بیلجیم دے کنگ فلپ اتے کوئین میتھلڈے دے نال نال شاہی خاندان دے ݙو ہزار توں ودھ ارکان شرکت کیتی۔ کوئین الزبتھ کوں سرکاری اعزاز نال ونڈ سر کیسل اچ کنگ جارج ششم میموریل چیپل اچ آپݨے مرحوم پئے نال شاہی غستان اچ دفن کیتا ویسی۔ وزیراعظم آکھیا جو آنجہانی ملکہ دولت مشترکہ دے رکن ملکاں دے شہریاں دی نسلاں کیتے طاقت دا ذریعہ ہن۔ پاکستان دی عوام ملکہ الزبتھ دے پاکستان دے ݙو دوریاں کوں یاد رکھیسی۔
