نیویارک ۔23ستمبر (اے پی پی):وزیر اعظم شہباز شریف دی امریکی صدر جو بائیڈن دے نال انہاں دی طرفوں عالمی رہنماواں دے اعزاز اچ ݙتے ڳئے استقبالیہ دے موقع تے مختصر ڳالھ مہاڑ تھئی۔ امریکی صدر دی طرفوں استقبالیہ اقوام متحدہ دی جنرل اسمبلی دے 77 سالانہ اجلاس دے موقع تے ݙتا ڳئے ۔ وزیر مملکت خارجہ امور حنا ربانی کھر بعد اچ میڈیا نال ڳالھ مہاڑ اچ ݙسائے جو وزیراعظم …
وزیر اعظم شہباز شریف دی امریکی صدر جو بائیڈن نال مختصر ڳالھ مہاڑ
مزید خبراں
نیویارک ۔23ستمبر (اے پی پی):وزیر اعظم شہباز شریف دی امریکی صدر جو بائیڈن دے نال انہاں دی طرفوں عالمی رہنماواں دے اعزاز اچ ݙتے ڳئے استقبالیہ دے موقع تے مختصر ڳالھ مہاڑ تھئی۔ امریکی صدر دی طرفوں استقبالیہ اقوام متحدہ دی جنرل اسمبلی دے 77 سالانہ اجلاس دے موقع تے ݙتا ڳئے ۔ وزیر مملکت خارجہ امور حنا ربانی کھر بعد اچ میڈیا نال ڳالھ مہاڑ اچ ݙسائے جو وزیراعظم شہباز شریف تے امریکی صدر جو بائیڈ ن دے درمیان تھیوݨ آلی مختصر ڳالھ مہاڑ مثبت اتے تعمیری ہئی۔ وزیر مملکت آکھیے جو پاکستان تے امریکا وچال تعلقات ٹھوس بنیاداں تے استوارتھیندے پئن ۔ انہاں آکھیے جو عالمی رہنماواں پاکستان اچ سیلاب توں تھیوݨ آلی تباہی تے ہمدردی اتے خیرسگالی دے جذبات دا اظہار کیتے تے ہݨ ایں جذبے کوں ٹھوس اقدامات اچ تبدیل تھیوݨا چاہیدے تاں ڄو پاکستان سیلاب توں وݙے پیمانے تے تباہی دے بعد بحالی اتے بہتر تعمیر دے پاسے ونڄ سڳے ، حنا ربانی کھر آکھیے جو اساں موسمیاتی تبدیلی دے نتیجے اچ غیر معمولی مینھ تے سیلاب توں ضیان بارے بین الاقوامی برادری کوں بھرپورطریقے نال ݙسائے ۔
