الیکشن کمیشن اچ فریال تالپور نااہلی کیس دی سماعت 27 اکتوبر تئیں ملتوی

اسلام آباد۔26ستمبر(اے پی پی)الیکشن کمیشن اچ فریال تالپور نااہلی کیس دی سماعت 27 اکتوبر تئیں ملتوی کر ݙتی گئی۔ الیکشن کمیشن اچ فریال تالپور دی نااہلی بارے درخواست تے سماعت ممبر سندھ دی اڳواݨی اچ 3 رکنی الیکشن کمیشن دے بنچ کیتی۔ فریال تالپور دے وکیل فاروق ایچ نائیک کمیشن اچ موقف اختیار کیتا جو میکوں رات ہی کسی دا پتا لڳے میں سپریم کورٹ چھوڑ تے اتھاں آیاں، نوٹس دیر نال ملیے تھہوں اگلی تاریخ ݙیو، آندی سماعت تے دلائل ݙیساں اتے ٻیا ویلھا نا منڳساں۔ الیکشن کمیشن فریال تالپور کوں ولدا اتے دلائل ݙیوݨ کیتے ہک مہینے دا ویلھا ݙیندے کیس دی سماعت 27 اکتوبر تئیں ملتوی کرݙتی۔