اسحٰق ڈار دی سینیٹ دی نشست خالی قرار ݙیوݨ دا معاملہ، الیکشن کمیشن فیصلہ محفوظ کر ڳھدے

اسلام آباد۔26ستمبر(اے پی پی)الیکشن کمیشن آف پاکستان (ای سی پی) حلف نا چاوݨ تے نامزد وزیر خزانہ اسحٰق ڈار دی سینیٹ دی نشست خالی قرار ݙیوݨ دے کیس اچ فیصلہ محفوظ کرڳھدے۔ کیس دی سماعت اچ اسحٰق ڈار دے وکیل سلمان بٹ آکھیا جو اسحٰق ڈار دا نوٹی فکیشن معطل تھیا اتے سپریم کورٹ اچ درخواست خارج تھیوݨ تے ولا بحالا کیتا ڳئے، اسحٰق ڈار تے آرڈیننس دا اطلاق نئیں تھیندا، ڄݙاں نوٹی فکیشن معطل ہا تاں اسحٰق ڈار کیویں حلف چا سڳدے ہن؟ آرٹیکل 63 پی دے تحت نااہلی آرڈیننس دے قانون نال نااہلی نئیں ہوسڳدی، آرڈیننس دی مدت پوری تھی چکی اے، الیکشن ایکٹ اچ ترمیم کر تے 2 مہینے اچ حلف نہ چاوݨ تے نااہلی دی شق کݙھ ݙتی گئی اے، کوئی رکن 5 سال وی حلف نہ چاوے تاں نااہل نئیں تھی سڳدا، الیکشن کمیشن سینیٹ نشست خالی قرار ݙیوݨ دا نوٹس ولا ڳھنے۔ الیکشن کمیشن دے رکنِ خیبر پختونخوا آکھیے جیکر ترمیمی ایکٹ توں پہلے اسحٰق ڈار نااہل ہن تاں ہݨ کیویں اہل تھی ڳین؟ الیکشن کمیشن حلف نہ چاوݨ تے اسحٰق ڈار دی نشست خالی قرار ݙیوݨ دے کیس تے فیصلہ محفوظ کر ڳھدے۔