وزیر خارجہ بلاول بھٹو زرداری دی امریکی ہم منصب انٹونی بلنکن نال ملاقات، پاکستان اچ چھل توں متاثرہ امدادی کماں کیتے ٻئی ݙاہ ملین ڈالر امداد دا اعلان

اسلام آباد۔27ستمبر (اے پی پی) وزیر خارجہ بلاول بھٹو زرداری دی امریکی وزیر خارجہ انٹونی بلنکن نال واشنگٹن اچ تھیوݨ آلی ملاقات اچ امریکا پاکستانا چ چھل توں ماتثرہ امدادی کماں کیتے 56.1 ملین ڈالر دی پہلے توں اعلان تھئی امداد دے علاوہ ݙاہ ملین ڈالر دی امداد دا اعلان کیتے۔ منگل کوں دفتر خارجہ دے ترجمان دے مطابق وزیر خارجہ بلاول بھٹو زرداری واشنگٹن اچ امریکی وزیر خارجہ انٹونی بلنکن نال ملاقات کیتی۔ وزیرخارجہ امریکی ہم منصب کوں پاکستان اچ چھل پاروں تھیوݨ آلی تباہی بارے ڈسیا جئیں اچ 33 ملین لوک بے گھر تھین اتے قیمتی جانی نقصان دے علاوہ معاش دے ذرائع دا نقصان تھیے۔ امریکی وزیر خارجہ پاکستان اچ چھل پاروں تھیوݨ آلے قیمتی جاناں دے ضیان اتے اقتصادی نقصان تے پاکستان نال تعزیت اتے یکجہتی دا اظہار کیتا۔ انہاں بحالی اتے تعمیر نو دے چیلنجز نال نبڑݨ اچ پاکستان نال تعاون جاری رکھݨ دا عزم کیتا۔