پی ٹی آئی آلیں جتنے پیسے جلسیں تے ضائع کیتن متاثرین تے لیندے شاید ݙو ضلعے آباد تھی ویندے ،احسن اقبال

اسلام آباد۔28ستمبر (اے پی پی):وفاقی وزیر منصوبہ بندی،ترقی ، اصلاحات و خصوصی اقدامت احسن اقبال آکھیے جو پی ٹی آئی آلیں جتنے پیسے جلوساں تے ضائع کیتن متاثرین تے لیندے شاید ݙو ضلعے آباد تھی ویندن بدھ کوں میڈیا نال ڳالھ مہاڑ دے دوران احسن اقبال آکھیے جو نارووال سپورٹس سٹی ریفرنس عدالت خارج کرݙتا، الف لیلی دی من گھڑت کہانی بݨاتے تقسیم پیدا کیتی ڳئی، میݙے خلاف بےبنیاد ریفرنس بݨایا ڳیا تے بے بنیاد مقدمیں بݨا تے کردارکشی کیتی ڳئی ۔ انہاں آکھیے جو عمران نیازی لوکاں کوں گمراہ کریندے پئن ، عمران نیازی دے دوراچ کرپشن کیتی ڳئی، ھک تہائی پاکستان سیلابی پاݨی اچ بݙیا ہویا اے عمران نیازی مسلسل اپݨی سیاست چمکاوݨ اچ لڳے پئن ، جتنے پیسے جلوساں تے ضائع کریندے پن متاثرین تے لیندے شاید ݙو ضلعے آباد تھی ویندے ۔احسن اقبال آکھیے جو عمران نیازی اڳلے الیکشن کیتے فنڈز کٹھے کریندے پئن ، شوکت خانم دے ناں تے اکٹھے کیتے ڳئے فنڈز کوں سیاست اچ جھونک ݙتا ڳئے ، اداریں دے خلاف تقریر کریندن ، عمران نیازی فارن فنڈنگ توں پاکستان اچ انتشار کھنڈاوݨ دا کم کریندن ، عمران نیازی دا مقصد آئین کوں پامال کرݨا اے او آکھدن جو سائفر دی تحقیقات تھیسن پارلیمنٹ اچ آسن ، کیا عمران نیازی کہیں غیر ملکی ایجنسی توں تحقیقات کراوݨ چاہندن ۔