ترکیہ دے البائراک گروپ سیلاب زدہ پاکستان اچ 4,000 خیمے ݙتن

اسلام آباد۔29ستمبر (اے پی پی):ترکیہ دے البائراک گروپ سیلاب زدہ پاکستان اچ 4,000 خیمے تقسیم کرݙتن،گروپ ہمیشہ پاکستانی عوام دے رلے کھڑے رہݨ دا عزم ظاہر کیتے ۔البائراک گروپ موجب گروپ ترکیہ دے ڈیزاسٹر اینڈ ایمرجنسی مینجمنٹ اتھارٹی (اے ایف اے ڈی) اتے پاکستان دی نیشنل ڈیزاسٹر مینجمنٹ اتھارٹی (این ڈی ایم اے) دے تعاون نال پاکستان اچ آفات توں متاثرہ علاقیں اچ 4,000 خیمے بھیجن ۔البائراک گروپ دے ڈائریکٹرسیمل سینوکاک آکھیے جو اساں ہمیشہ پاکستان دے رلے کھڑے رہسوں۔ البائراک گروپ شروع توں ہی پاکستان اچ سیلاب دیاں تباہ کاریاں دا جائزہ ڳھدا تے اے ایف اے ڈی اتے این ڈی ایم اے دے نال رل تے سیلاب آلے علاقیں اچ نویں سروں خیمہ وستیاں تعمیر کیتن۔انہاں آکھیے جو اساں سیلاب زدگان کوں 4,000 خیمے ݙیوݨ کیتے خاص توجہ ݙتی بھیجے ڳئے ایم ٹو 16 اتے ایم ٹو12 دے خیمے سیلاب زدگان کوں ݙتے ویندے پئن جیڑھے جوموسم پالے کیتے پائیدار ہن کیوں جو حالی وی مینھ وٹھدا پئے ۔ خیمیں دی پہلی کھیپ سیلاب توں شدید متاثرہ صوبہ سندھ دے شہر دادو کیتے روانہ کیتی ڳئی تاں جو ٹینٹ سٹی قائم کیتا ونڄ سڳے ۔