عمران خان دا سائفر دے معاملے تے غیرذمہ درانہ اتے سازشی بیانیہ قوم دے سامݨے آچکے ، سابق وزیراعظم سیکرٹ ایکٹ دی خلاف ورزی کیتی، اعظم نذیرتارڑ

اسلام آباد۔29ستمبر (اے پی پی):وفاقی وزیر قانون وانصاف اعظم نذیرتارڑ آکھیے جو عمران خان دا سائفر دے معاملے تے غیرذمہ درانہ اتے سازشی بیانیہ قوم دے سامݨے آچکے ، سابق وزیراعظم ملکی مفاد دے خلاف خطرنا ک کھیݙ کھیݙیے تے آفیشل سیکرٹ ایکٹ دی خلاف ورزی کیتی، ملکی سلامتی تے کوئی سمجھوتہ نہ کیتا ویسی ،سائبرسکیورٹی متعلق قانون سازی متعلقہ فریقاں تے سول سوسائٹی دی مشاورت نال کیتی ویسی ۔ پریس کانفرنس توں خطاب کریندے ہوئیں انہاں آکیے جو کل توں ھک آڈیو لیک زیربحث اے جیں اچ سابق وزیراعظم عمران خان اتے انہاں دے پرائیویٹ سیکرٹری دی ڳالھ مہاڑ اے ، انہاں آکھیے جݙاں بطور ارکان پارلیمنٹ یا وزیراعظم دی حیثیت توں حلف چاتا ویندے تاں ایندے اچ عہد کیتا ویندے جو قومی مفاد تے ذاتی مفاد کوں ترجیح نہ ݙیسوں کیوں جو پبلک آفس ہولڈرکوں ٻہوں سارے قومی مفاد اچ اہم فیصلے کرݨے ہوندن ،عمران خان دا سازشی بیانیہ ہݨ لوکاں دے سامݨے آچکے ،عمران خان ذاتی مفاد کوں قومی مفاد تے ترجیح ݙتی ،سابق وزیراعظم سائفر دے معاملے تے غیر ذمہ دارانہ طرز عمل اپنائے۔سابق وزیراعظم ملکی مفاد دے خلاف خطرناک کھیݙ کھیݙیے۔ انہاں آکھیے امریکہ نال پاکستان دے سفارتی تعلقات دی طویل تاریخ اے،قوم ݙیکھ ڳھدے جو سازشی بیانیہ کتھوں شروع تھئے ۔