لاہور۔3اکتوبر (اے پی پی):لاہور اچ ٻالاں دے اغوا دیاں وارداتاں خطرناک حد تئیں ودھݨ دے خلاف تحریک التوا کار پنجاب اسمبلی جمع کرواݙتی ڳئی ۔تحریک التوا کار مسلم لیگ ن دی رکن پنجاب اسمبلی رابعہ فاروقی جمع کروائی۔قرارداد اچ آکھیا ڳئے جو لاہور اچ ٻالاں دے اغوا دیاں وارداتاں خطرناک حد تئیں ودھ ڳئن ۔پولیس ریکارڈ دے مطابق تیرھاں سال توں گھٹ عمر دے ٻالاں دیاں 932 وارداتاں والدین کوں ݙرا ݙتے ۔لاہور اچ ٻالاں دے اغوا دیاں وارداتاں اچ ماڈل ٹائون ڈویژن 248 دے نال سرفہرست رہیا ۔صدر ڈویژن اچ 210 دے نال ݙوجھے جݙاں جو کینٹ ڈویژن اچ 182 وارداتاں تھئن ۔پولیس دی ناقص حکمت عملی پاروں اغوا کاراں دے گروہ پولیس دی پڄ توں پرے ہن ۔شہر اچ ٻالاں دے اغوا دیاں وارداتاں روکݨ اچ ناکام اے ، پنجاب حکومت غیر اہم کماں اچ وقت ضائع کریندی پئی اے عوام دے مسئلیں توں اینکوں کوئی سرو کار کائنی ۔
