واشنگٹن۔3اکتوبر (اے پی پی):امریکا اچ پاکستان دے سفیر مسعود خان آکھیے جو پاکستان سودھے ٻئے ترقی پزیر ملکاں کوں موسمیاتی تبدیلیاں دے اثرات نال نبݨݨ دے قابل بݨاوݨ کیتے طویل مدتی امریکی عزم دی لوڑھ اے ۔ پاکستانی سفارتخانے دی طرفوں جاری پریس ریلیز موجب انہاں پاکستان اتے امریکا دے سفارتی تعلقات دے قیام دے75سال دی خوشی اچ پاکستانی امریکی پریس ایسوسی ایشن دی تقریب اچ خطاب کریندے ہوئیں آکھیے جو پاکستان اچ تباہ کن سیلاب اتے فلوریڈا تے ملحقہ امریکی ریاستاں اچ سمندری طوفان ایان دی وجہ توں تھیوݨ آلی تباہی واضح طور تے ایں ڳالھ دی عکاسی اے جو کوئی وی ملک موسمیاتی تبدیلی دے رجحان توں محفوظ کائنی ایں توں پہلے جو ٻہوں دیر تھی ونڄے اساکوں وختی ھک مٹھ تھی تے ماحولیاتی تبدیلی دے بحران نال نبݨݨ دی لوڑھ اے ، ایں تقریب اچ پاکستانی تےامریکی صحافیاں،امریکی محکمہ خارجہ دے عہدیداراں ، امریکا اچ رہݨ آلی پاکستان دی اہم شخصیات شرکت کیتی۔
