اسلام آباد۔3اکتوبر (اے پی پی):صدر مملکت ڈاکٹر عارف علوی انڈونیشیا دے فٹبال گراؤنڈ اچ بھاڄڑ دے نتیجے اچ قیمتی جاناں دے ضیان تے ݙکھ تے افسوس کیتے جیں اچ تقریباً 125 لوک ہلاک اتے 323 زخمی تھی ڳئن ۔ ایوان صدر دے پریس ونگ توں سنوار کوں جاری بیان موجب صدر مملکت آکھیے ایں سانحہ تے انہاں کوں ݙکھ تھئے تے ݙکھی خاندان ، حکومت اتے انڈونیشیا دے عوام نال دلی تعزیت کریندوں۔ انہاں آکھیے جو پاکستان دے عوام اتے حکومت اوکھے ویلھے انڈونیشیا دے بھراویں دے ݙکھ اچ برابر دے شریک ہیسے ، انہاں اللہ تعالیٰ توں جاں بحق تھیوݨ آلیں دے لواحقین کوں صبر جمیل عطا کرݨ تے زخمیاں دی وختی تے مکمل صحتیابی دی دعا کیتی۔
