اسلام آباد۔3اکتوبر (اے پی پی):وزیراعظم محمد شہباز شریف قومی اداریں دے خلاف عمران خان دی مہم دی شدید مذمت کریندے ہوئیں پاکستان دے قومی مفادات نال کھیݙݨ آلیں کوں قانون کوں جواب ݙیوݨا پوسی،عوام دے بعد سازشی ہݨ اداریں اچ انتشار کھنڈاوݨ آلیں دی سازش کریندا پئے۔ وزیراعظم آفس دے میڈیا ونگ توں جاری بیان موجب وزیراعظم قومی اداریں دے خلاف عمران خان دی مہم دی شدید مذمت کیتی اے ۔ وزیراعظم آکھیے جو رنگے ہتھوں وٹھیے ونڄݨ آلے چور ہݨ اداریں کوں بدنام کرتے اپݨے جرم دی سزا توں بچݨ چاہندن ۔ عوام دے بعد سازشی ہݨ اداریں اچ انتشار کھنڈاوݨ دی سازش کریندا پئے ۔ وزیراعظم آکھیے جو سفارتی سائفر اچ ردوبدل کرتے قومی سلامتی نال کھیݙیا ڳیا ، قانون دا سامݨا تاں کرݨا ہوسی ۔ پاکستان دے قومی مفادات نال کھیݙݨ آلیں کوں قانون کوں جوب ݙیوݨا پوسی ۔ وزیراعظم آکھیے جو قانون ساریں کیتے برابر اے، مقبول تھیوݨ دا مطلب قانون توں بالا تر تھیوݨ کیویں تھی ڳئے؟ تساݙی آڈیو لیکس پاکستان دے مفادات دے خلاف سنگین سازش بے نقاب کرݙتی۔
