اسلام آباد۔3اکتوبر (اے پی پی):وفاقی وزیر قومی صحت عبدالقادر پٹیل آکھیے جو وزارت صحت سیلابِ متاثرین کوں طبی سہولتاں ݙیوݨ کیتے سارے وسائل ورتیندی پئی اے ۔ وزارت توں جاری بیان موجب انہاں آکھیے جو بارڈر ہیلتھ سروسز آف پاکستان دی ٹیم کوں سیلاب متاثرین کوں بہترین طبی سہولتاں ݙیوݨ کیتے خراج تحسین پیش کرینداں ۔عبدالقادر پٹیل آکھیے جو وزارت صحت دے ماتحت ادارے ڈائریکٹوریٹ آ ف ہیلتھ سٹیبلشمنٹ بارڈر ہیلتھ سروس آف پاکستان سیہون شریف دے سیلاب توں شدید متاثرہ وستی اچ یوٹیلٹی تے متاثرین کیتے میڈیکل کیمپس دا انعقاد کیتے ۔ سیہون شریف دی پوری وستی اچ ڈینگی روکݨ کیتے سپرے وی کروایا ڳئے۔انہاں آکھیے جو میڈیکل کیمپس اچ ڈینگی تے ملیریا دےتقریبًا 1500 توں ودھ مریضاں دی سکریننگ اتے مفت دوائیں ݙتیاں ڳئن ۔
