صدر مملکت ڈاکٹر عارف علوی نال ہالینڈ، ڈنمارک، سوئٹزرلینڈ، فن لینڈ، زمبابوے اتے سینیگال دے نامزد سفیراں دی ملاقات

اسلام آباد۔3اکتوبر(اے پی پی) صدر مملکت ڈاکٹر عارف علوی نال ہالینڈ، ڈنمارک، سوئٹزرلینڈ، فن لینڈ، زمبابوے اتے سینیگال دے نامزد سفیر ملین۔ ہالینڈ دی سفیر ہینی فوکل ڈی وریس، ڈنمارک دے سفیر جیکب لینولف، سوئٹزرلینڈ دے سفیر جارج سٹینر، فن لینڈ دے سفیر ہنو ریپاٹی، زمبابوے دے نان ریذیڈینٹ ہائی کمشنر لیفٹیننٹ جنرل (ریٹائرڈ) مارٹن چیڈونڈو اتے سینیگال دے نان ریذیڈینٹ سفیر سالیو نیانگ ڈائینگ اپݨیاں اسناد تقرری صدر کوں پیش کیتن اتے انڄھو انڄھ ملیے وی ہین۔ صدر مملکت سفیراں کوں مبارکباد ݙیندے پاکستان نال سفارتی، اقتصادی و تجارتی تعلقات سودھا ݙوطرفہ ڳانݙھا ودھاوݨ سانڳے ودھ کوششاں تے زور ݙتا۔ صدر آکھیا جو موسمیاتی تبدیلیاں دا مقابلہ کرݨ کیتے بین الاقوامی شراکت داری ٻئی تکڑی کرݨ دی لوڑھ اے، عالمی برادری پاکستان سودھا ماحولیاتی تبدیلی دے متاثرہ ملکاں دا ہتھ ونݙاوݨ کیتے کردار ادا کرے۔