اسلام آباد۔3اکتوبر (اے پی پی):پاکستان اسلام آباد اچ بھارت دے ناظم الامور کوں وزارت خارجہ سݙ تے تہار جیل اچ قید حریت رہنما الطاف احمد شاہ د وڳڑدی صحت تے پاکستان ولوں چنتا ݙسائے۔ دفتر خارجہ دے ترجمان ݙسائے جو بھارتی ناظم الامور کوں آکھیا ڳئے جو گردے دے کینسر اچ مبتلا الطاف احمد شاہ کوں مناسب طبی امداد ݙیوݨ اچ بھارتی حکام دی ناکامی مایوس کن اے، حریت رہنام دی صحت وڳڑدی ویندی اے، الطاف احمد شاہ دے ٹٻر ولوں بھارتی وزیراعظم کوں خطاں دے باوجود کارروائی تھئی اے نا انہاں کوں ہسپتال وی داخل کیتا ڳئے۔ ترجمان آکھیے جو بھارتی حکام الطاف احمد شاہ دی صحت سانڳے اقدامات کرن اتے انہاں دے ٹٻر کوں ملݨ ݙیون۔
