کوئٹہ۔6اکتوبر (اے پی پی) بلوچستان اچ چھل پاروں جاں بحق تھیوݨ آلیاں دی تعداد 336 تئیں پڄ ڳئی اے، ترجمان پی ڈی ایم اے ولوں جاری بیان اچ ݙسیا ڳیا جو بلوچستان اچ چھل پاروں جاں بحق تھیوݨ آلیاں دی تعداد 336 تئیں پڄ ڳئی اے جئیں اچ 149 مرد، 80 تریمتیں اتے 107 ٻال شامل ہن جڈانجو مختلف حادثیاں اچ 187 بندے زخمی تھین جئیں اچ 97 مرد، 40 تریمتیں اتے 50 ٻال شامل ہن۔ انہاں ݙسیا جو چھل پاروں صوبے اچ 75 ہزار توں ودھ مکانات ݙہہ ڳئن اتے ہک لکھ پنڄاہ ہزار گھراں دا جزوی نقصان تھیے۔ ترجمان ڈسیا جو چھل پاروں سولر پلیٹس، ٹیوب ویلز اتے بورنگز دا وی نقصان تھیے اتے ݙو لکھ اٹھ سو 11 ایکڑ زمین تے کھڑی فصل تباہ تھی ڳئی اے۔
