اسلام آباد۔6اکتوبر (اے پی پی) وفاقی وزیر برائے قومی صحت عبدالقادر پٹیل آکھیا جو وݙا چیلنج چھل دے علاقیاں اچ موجود چھی لکھ حاملہ تریمتیں کوں صحت دی سہولتاں ݙیوݨ اتے زچہ تے بچہ دی جان بچاوݨ اے۔ متاثرہ علاقیاں اچ ہیلتھ کیمپس لاتے ویندے پئن جتھاں ٹائیفائیڈ،جلد اتے نمونیا سودھی کئی بیماریاں دا علاج جاری اے۔ اے ڳالھیں انہاں گلوبل فنڈ دی پاکستان دے سینئر منیجر ازسکان نال ملاقات اچ آکھی۔ پاکستان اچ گلوبل فنڈ دی وزارت صحت دے حکام نال آندے ترائے سال دی امداد تے ڳالھ مہاڑ تھئی۔ ایں موقع تے گلوبل فنڈ دے سینئر منیجر ازسکان آکھیا جو اوکھے حالات دے باوجود وفاقی حکومت دے چھل متاثرین دی مدد اتے انہاں دی صحت بارے اقدامات قابل ستائش ہن۔
