کوئٹہ۔7اکتوبر (اے پی پی):سیلاب توں متاثرہ علاقیں کوہلو، سبی، قلات، جعفرآباد، نصیرآباد، صحبت پور تے جھل مگسی اچ 13 ریلیف کیمپس فعال ہن جتھاں 13555 سیلاب زدگان کوں پکیا ٹکر پاݨی ، راشن اتے علاج کیتا ویندا پئے ، سیلاب توں متاثرہ علاقیں اچ راشن دے پیکٹس ہیلی کاپٹرز دے ذریعے وی پڄائے ویندے پئن، گزریل 24 گھنٹے دوران سیلاب توں متاثرہ علاقیں بشمول سبی،قلات، جعفرآباد، نصیرآباد، صحبت پور تے جھل مگسی اچ سیلاب متاثرین اچ 2805 راشن دے پیکٹس 23946پاݨی دیاں بوتلاں، 6144 کلوکھاوݨ پیوݨ دیاں چیزاں جیں اچ اٹا، خوردنی تیل، چاول، چاہ دی پتی تے کھنڈ شامل اےجݙاں جو 18962 کلو ٻیاں چیزاں جنہاں اچ گرم کپڑے، کمبل، ٹینٹ، مچھرداݨی، صابݨ اتے ٻیاں روزانہ استعمال دیاں ضروری چیزاں مستحق لوکاں کوں ݙتیاں ڳئن ،پاکستان آرمی اتے ایف سی بلوچستان دی طرفوں امداد سیلاب متاثرین کیتے کوئٹہ اچ 6 کلکشین پوائنٹس فعال اے۔ جتھاں سیلاب متاثرین کیتے امدادی سامان اکھٹا کیتا ویندا پئے تاں جو مستحق لوکاں کوں وختی امداد ݙتی ونڄ سڳے۔سیلاب توں متاثرہ ضلعیں اچ لوکاں کوں متعدی مرض توں بچݨ کیتے فری میڈیکل کیمپس دا سلسلہ وی جاری اے۔ گزریل 24 گھنٹے اچ پاکستان آرمی، ایف سی بلوچستان اتے پی ڈی ایم اے دی طرفوں 24 فری میڈیکل کیمپس دا انعقاد کیتا ڳئے جیں اچ 5416مریضاں دا علاج معالجہ کیتا ڳئے مفت دوائیں ݙتن ۔
