اسلام آباد۔7اکتوبر(اے پی پی)پاکستان بھارت دے غیر قانونی زیر قبضہ جموں وکشمیر اچ بھارت دی جاری ریاستی دہشت گردی دی شدید مذمت کریندے آکھیے جو بھارتی قابض افواج 5 اگست 2019 دے یکطرفہ اتے غیر قانونی اقدامات دے بعد مقبوضہ علاقہ اچ 678 توں ودھ کشمیریاں کوں شہید کیتے جیندے اچوں 158 کوں ایں سال شہید کیتا گئے۔ دفتر خارجہ دے ترجمان عاصم افتخار احمد پریس بریفنگ اچ افسوس کریندے …
بھارتی قابض افواج 5 اگست 2019ء دے اقدامات توں بعد مقبوضہ علاقہ اچ 678 توںو دھ کشمیری شہید کیتن، ترجمان دفتر خارجہ
مزید خبراں
اسلام آباد۔7اکتوبر(اے پی پی)پاکستان بھارت دے غیر قانونی زیر قبضہ جموں وکشمیر اچ بھارت دی جاری ریاستی دہشت گردی دی شدید مذمت کریندے آکھیے جو بھارتی قابض افواج 5 اگست 2019 دے یکطرفہ اتے غیر قانونی اقدامات دے بعد مقبوضہ علاقہ اچ 678 توں ودھ کشمیریاں کوں شہید کیتے جیندے اچوں 158 کوں ایں سال شہید کیتا گئے۔ دفتر خارجہ دے ترجمان عاصم افتخار احمد پریس بریفنگ اچ افسوس کریندے آکھیے جو بھارت دے غیر قانونی زیر قبضہ جموں وکشمیر اچ بھارتی فورسز ماورائے عدالت قتل دا سلسلہ جاری رکھیا ہوئے، ہک ہفتے اچ بھارتی قابض افواج بارہ مولہ، شوپیاں اتے پلوامہ اچ ٻئے 8 بے گناہ کشمیریاں کوں شہید کیتے۔ انہاں مطالبہ کیتے جو اقوام متحدہ دے کشمیر بارے 2018 اتے 2019 دی رپورٹس دے مطابق ہائی کمشنر برائے انسانی حقوق دے دفتر ولوں سفارش کیتے ڳئے تحقیقاتی کمیشن نال مقبوضہ کشمیر اچ ماورائے عدالت قتل دی تحقیقات کیتی ونڄن، عالمی برادری بھارت کوں معصوم کشمیریاں تے مظالم دا ذمہ دار قرار ݙیندے اقوام متحدہ دی سلامتی کونسل دی متعلقہ قرارداداں اتے کشمیری عوام دی خواہشات دے مطابق تنازعہ جموں و کشمیر دے منصفانہ و پرامن حل کیتے کردار ادا کرے۔
