شیخوپورہ واقعہ؛ وزیراعلیٰ پنجاب دا نوٹس، تھانہ نارنگ دے ایس ایچ او سودھا 5 اہلکار معطل

لاہور۔9اکتوبر(اے پی پی)وزیراعلیٰ پنجاب چودھری پرویز الٰہی شیخوپورہ اچ ستے 8 ڄݨیاں دے قتل دے افسوسناک واقعے تے نوٹس ڳھندے پنجاب پولیس دی کارکردگی تے کوڑیڄن اتے غفلت ورتݨ تے تھانہ نارنگ دے ایس ایچ او سودھا 5 اہلکار معطل کرݙتن۔ وزیراعلیٰ لندن توں آئی جی پولیس فیصل شاہکار کوں ٹیلیفون کیتے اتے رپورٹ منڳی۔ آئی جی واقعے دی تفصیل ݙسائی جو ملزم فیض تیز دھار آلے نال مختلف جاہیں تے ستے لوک مارین اتے ملزم پہلے وی ایہو ڄھیں واقعے اچ پکڑیا ہا ٻھل چھوڑ ݙتا ڳیا ہا۔ وزیراعلیی آکھیا جیکر پہلے واقعے دی انکوائری اتے کارروائی تھیندی تاں اے سب کڄھ نا تھیندا، پولیس دی نااہلی نال اڄ 8 ڄݨیں ماریے ڳین۔ انہاں اہلکاراں دے خلاف محکمانہ کارروائی، واقعے دی مکمل انکوائری، ورثا کوں انصاف ݙیوݨ اتے ملزم دے خلاف سخت کارروائی دی ہدایت کیتی۔