آج برکتاں تے سعادت آلا ݙینھ اے، ہر ݙکھ دا مداوا آقائے ݙو جہاں دی تابعداری اچ اے، وزیر اعظم شہبازشریف

لاہور۔9اکتوبر(اے پی پی)وزیر اعظم محمد شہباز شریف آکھیے جو ساکوں کامیابی کیتے سیرت طیبہ اتے اصحاب رسول دے نقش قدم تے ٹرݨا ہوسی، اساں ایمان، اتحاد اتے تنظیم دے اصولاں نال ہی وطن عزیز کوں ترقی ݙے سڳدے ہیں، فلاحی معاشرے سانڳے عدالتی نظام، گڈ گورننس کوں ٹھیک کرݨا ہوسی، عوام کیتے سستا علاج، تعلیم اتے ٻیاں سہولتاں ݙیوݨاں ہوسن، سیاست دی بجائے 3 کروڑ 30 لکھ سیلاب متاثرین دی بحالی ترجیح اے۔ اے ڳالھ انہاں عید میلاد النبیؐ سانڳے ماڈل ٹائون اچ تھیوݨ آلی سیرت النبی صلی اللہ علیہ والہ وسلم کانفرنس نال خطاب اچ آکھی۔ گورنر پنجاب بلیغ الرحمن، حمزہ شہباز، علامہ ڈاکٹر محمد راغب حسین نعیمی، ارکین اسمبلی، مسلم لیگ(ن) دے رہنما، علما کرام و مشائخ عظام سودھا ٻعے لوک وی موجود ہن۔ وزیر اعظم محمد شہباز شریف آکھیے جو نبی صلی اللہ علیہ وسلم ظلمت،جہالت دا اندھارا آن مٹائے، انسانیت کوں غلامی دی زنزیراں توں چھڑوائے اتے ہر کہیں کوں انہان دا حق سمجھائے، او اوکھے حالات اچ سوحھلے دی لاٹ بݨ تے آئن اتے لوکاں کیتے فلاح دا رستہ ݙکھائے۔ انہاں آکھیا جو نبی کریمؐ صادق و امین ہن، دوست دشمن ہر کوئی انہاں دے علم و اخلاق دا منݨ آلا ہا، ریاست مدینہ حق سچ سکھائی، انہاں بے سہرا لوکاں دا ہتھ ونݙاوݨ، دلجوئی دا سبق ݙتے، ریاست مدینہ دے مطابق اساں ہر کوئی جوبدار ہیں، ساکوں اپݨا مھاسبہ کرݨا ہوسی، اساں اڄ عملی و تحقیقی طور تے کتھاں کھڑے ہیں، کیا اساں گڈ گورننس، کرپشن، عوام دی خدمت، ایمانداری اتے عدل و انصاف دے تقاضے پورے کریندے پئے ہیں، کے تئیں اساں روایتی تقریراں سݨدے اتے کریندے راہسوں، عدلو انصاف دا بول بالا ہووݨا چاہیدے، قانون و آئین دی پاسداری ترجیھ ہووݨی چاہیدی اے، اخلاقیات ، اقدار ساݙا شیوا ہووے، قانون دے سامݨے سارے ہک ہین، کوئی وݙا چھوٹا، ہیݨا یا طاقتور کائنی، معاشرے اچ بہتان، کوڑ، تہمتاں لاوݨ مناسب نئیں، قوم کوں اتحاد دی لوڑھ اے، اڄ سیلاب متاثرین کیتے ساݙا جذبہ ایثار انصار مدینہ والا ہووے۔ انہاں آکھیا جو کامیابی کیتے سیرت طیبہ و اصحاب رسول دے نقش پا اپنیندے ہوئے ایمان، اتحاد و تنظیم تے چلݨا ہوسی جو ملک ترقی کرے، لوک سوکھے تھیون۔