چین دی وختی امداد سیلاب متاثرین دی بحالی کیتے مددگارثابت تھیندی پئی اے ، سفیر معین الحق

بیجنگ۔10اکتوبر (اے پی پی):چین اچ پاکستان دے سفیر معین الحق آکھیے جوچین دی وختی امدادسیلاب متاثرین دی بحالی کیتے مددگارثابت تھیندی پئی اے ۔ چینی اخبار گلوبل ٹائمز کوں ݙتے ڳئے انٹرویو اچ انہاں آکھیے جو چین دی مرکزی حکومت، فوج، صوبائی حکومتاں، فلاحی تنظیماں تے سرکاری و نجی اداریں دی طرفوں 640 ملین یوآن ($89.94 ملین) توں ودھ مالیت دی امداد دااعلان کیتا ڳئے جݙاں جو چینی عوام وی سفارت خانے دے براہ راست فلڈ ریلیف اکاؤنٹ اچ عطیات ݙتے ، انہاں آکھیے جو پاکستان کوں سیلاب دی صورت اچ بدترین قدرتی آفت دا سامݨا اے چین ہمیشہ وانڳوں بحرانی صورتحال نال نبݨݨ تے وختی امداد ݙتی ۔پاکستانی سفیر آکھیے جو چین دی انسانی ہمدردی دی بنیاد تے امداد ݙوہیں ملکاں دی گھاٹی یاری کوں ظاہر کریندی اے ۔چینی حکومت دی طرفوں سیلاب متاثرین کیتے خیمیں، کمبل، کھاوݨ پیوݨ دیاں چیزاں ، پاݨی کوں پیوݨ دے قابل بݨاوݨ آلی مصنوعات اتے بجلی دے جنریٹرزتے مشتمل پہلی امدادی کھیپ ݙتی ڳئی اے جݙاں جو ڈاکٹراں تے ماہرین تے مشتمل ٹیماں وی پاکستان بھیجیاں ویندیاں پئن ۔