چین- پاک اقتصادی راہداری کوں “دی بیلٹ اینڈ روڈ ” دا مثالی منصوبہ بݨایا ویسی ، چینی وزارت خارجہ

بیجنگ۔11اکتوبر(اے پی پی) چین آکھیے جو پاکستان ۔ چین اقتصادی راہداری کوں “دی بیلٹ اینڈ روڈ ” دا مثالی منصوبہ بݨایا ویسی ۔ چینی ذرائع ابلاغ موجب چینی وزارت خارجہ دی ترجمان ماو نینگ آکھیے جو چین پاک اقتصادی راہداری “دی بیلٹ اینڈ روڈ” دے تحت اہم منصوبہ اے اتے نویں عہد اچ پاک چین تعاون دا مثالی منصوبہ وی اے۔سی پیک دے تحت توانائی دے شعبے اچ ساریں توں ودھ سرمایہ کاری کیتی ڳئی اے ایں حوالے نال تکھے پیش رفت تھئی اے انہاں آکھیے جو ایں توں نہ صرف پاکستان کیتے شفاف ، پائیدار اتے بہترین توانائی ݙتی ڳئی اے بلکہ مقامی معاشی و سماجی ترقی اچ نمایاں کردار سودھے ملازمت دے ٻہوں سارے موقع وی پیدا تھیندے پئن ۔جیں کوں پاکستانی حکومت اتے مختلف شعبہ زندگی بھرپور تعریف کیتی اے ۔ انہاں آکھیے جو چین پاکستان دے نال رل تے جامع مشاورت، تعمیری شراکت ، مشترکہ مفادات دے اصول دی بنیاد تے سانجھے سودمند تعاون کوں ودھارا ݙیوݨ چاہندے تے سی پیک کوں ” دی بیلٹ اینڈ روڈ” دا مثالی منصوبہ بݨاوݨ چاہندے تاں جو ݙوہیں ملکاں تے سارے خطے دے عوام دی خوشحالی اچ کردار ادا کیتا ونڄ سڳے ۔