اسلام آباد۔11اکتوبر(اے پی پی):سینیٹ اچ ممتاز کشمیری حریت رہنما سید علی گیلانی شہید دے ڄواترے سید الطاف احمد شاہ دے ثواب کیتے فاتحہ خوانی کیتی ڳئی ۔ منڳل کوں سینیٹ اجلاس اچ سینیٹرعرفان صدیقی اعتراضدے نکتے تے آکھیے جو مقبوضہ کشمیر توں ھک افسوسناک، دردناک اتے المناک خبر ملی اے جو سید علی گیلانی شہید دے ڄواترے سید الطاف احمد شاہ جیڑھے جو پنج سال توں تہاڑ جیل اچ قید ہن انہاں دا انتقال تھی ڳئے ، انہاں کوں کینسر ہئٰی تے او وینٹی لیٹر تے ہن ، انہاں دے ٻچڑے دہائی ݙیندے رہیے جو انہاں کوں آزاد شہری دے طور تے زندگی دے چھیکڑی ݙینھ گزارݨ ݙتے ونڄن لیکن انہاں دی نہ تاں بھارتی عدالت اتے نہ ہی انتظامیہ فریاد سݨی ، انہاں آکھیے جو اے مودی حکومت دی کھلی بربریت اے، انہاں دے ثواب کیتے فاتحہ خوانی کیتی ونڄے۔ چیئرمین سینیٹ دی ہدایت تے سینیٹر مشتاق احمد دعا کرائی۔
