اسلام آباد۔18اکتوبر(اے پی پی)وفاقی کابینہ اسلام آباد اچ جاری ایڈوانس میٹرز لاوݨ دا منصوبہ ملک دے ٻئے حصیاں تئیں ودھاوݨ اتے ٹرانسفارمرز ایڈوانس میٹرز لاوݨ دی منظوری ݙتی اے اتے ڈسکوز اچ خالی آسامیاں دی جامع رپورٹ کابینہ دے آندے اجلاس اچ منڳی اے، لائن لاسز دی شرح ڳھٹاوݨ کیتے وزیر دفاع دی اڳواݨی اچ اعلیٰ سطح کمیٹی وی ٻما ݙتی اے، وفاقی حکومت کݨک دی رہائی کیتے سیلاب زدہ …
وفاقی کابینہ دا اجلاس، اسلام آباد اچ جاری ایڈوانس میٹرز دا منصوبہ ملک دے ٻئے شہراں تئیں ودھاوݨ دی منظوری
اسلام آباد۔18اکتوبر(اے پی پی)وفاقی کابینہ اسلام آباد اچ جاری ایڈوانس میٹرز لاوݨ دا منصوبہ ملک دے ٻئے حصیاں تئیں ودھاوݨ اتے ٹرانسفارمرز ایڈوانس میٹرز لاوݨ دی منظوری ݙتی اے اتے ڈسکوز اچ خالی آسامیاں دی جامع رپورٹ کابینہ دے آندے اجلاس اچ منڳی اے، لائن لاسز دی شرح ڳھٹاوݨ کیتے وزیر دفاع دی اڳواݨی اچ اعلیٰ سطح کمیٹی وی ٻما ݙتی اے، وفاقی حکومت کݨک دی رہائی کیتے سیلاب زدہ علاقیاں سانڳے بیج ملھ ڳھنݨ دا ذمہ این ڈی ایم اے کوں لائے جو فصل رہاوݨ توں پہلے بیج دا انتظام کیتا ونڄے۔ وزیراعظم شہبازشریف دی اڳواݨی اچ تھیوݨ آلے اجلاس اڄوکی مردم شماری بغیر کہیں رکاوٹ جاری رکھݨ دی وی ہدایت کیتی۔ وزیراعظم اجلاس کوں دورہ قازقستان دا ݙسایا۔ وفاقی کابینہ کوں توانائی ڈویژن بجلی چوری، لائن لاسز اتے ایندے نقصانات ڳھٹاوݨ کیتے جامع حکمتِ عملی تے تفصیلی بریفنگ ݙتی۔ وزیراعظم ڈسکوز اچ شفافیت نال بھرتیاں کرݨ، بجلی ونݙݨ آلیاں کمپنیاں دی کارکردگی چنڳی کرݨ دی ہدایت کیتی۔ وزیراعظم 7 فیصدلائن لاسز دی اوسط غیر تسّلی بخش قرار ݙیندے بین الاقوامی مروجہ لائن لاسز دی شرح دے مطابق مرحلہ وار کمی دے جامع پلان اتے بجلی دی تقسیمِ کار کمپنیاں اچ اصلاحاتی اقدامات دی سفارشات سانڳے وزیر دفاع خواجہ محمد آصف دی سربراہی اچ کمیٹی وی ٻݨائی جیندے اچ وفاقی وزیر تجارت و پیداوار سید نوید قمر، وزیر بجلی انجینئر خرم دستگیر خان، وفاقی وزیر تخفیف غربت و سماجی تحفظ شازیہ مری، وزیر مملکت برائے پٹرولیم ڈاکٹرمصدق ملک، وزیر برائے سائنس و ٹیکنالوجی آغا حسن بلوچ، وزیر برائے ہاؤسنگ مولانا عبدالواسع، مشیر وزیراعظم انجینئر امیر مقام اتے سیکرٹری پاور شامل ہوسن۔ کمیٹی ݙو ہفتے اچ مشاورت نال جامع لائحہ عمل ٻݨیسی۔ کابینہ پاور ڈویژن دی سفارش تے ملک اچ ڳھٹ لاگت شمسی توانائی کوں مہانگے درآمدی ایندھن دے متبادل استعمال دے اقدامات دی منظوری ݙتی۔
