حکومت آوݨ آلے ہفتے تے مہینے اچ نینگراں دی ترقی کیتے ٻہوں سارے اقدامات دا اعلان کریسی ،وزیراعظم شہباز شریف

اسلام آباد۔21اکتوبر(اے پی پی):وزیراعظم محمد شہباز شریف آکھیے جو کجھ اقتدار دے بھکے سیاستدان نینگراں کوں آپݨے متعصبانہ ایجنڈے  کیتے استعمال کریندے پئن ، نینگراں دی ترقی کیتے سرمایہ کاری ضروری اے ، حکومت آوݨ آلے ݙینھاں اچ ایں سلسلے اچ ٻہوں سارے اقدامات دا اعلان کریسی ۔آپݨے ٹویٹ اچ وزیراعظم شہباز شریف آکھیے جو قوماں نینگراں نال تکڑیاں تھیندن تے انہاں دی صلاحیتاں توں مستقبل دا تعین تھیندے ،نینگراں دی ترقی کیتے سرمایہ کاری دی لوڑھ اے ، اقتدار دے بھکے کجھ سیاستدان نینگراں کوں آپݨے متعصبانہ ایجنڈے کیتے استعمال کرݨ اچ کوئی عار نی سمجھدے جیڑھی بدقسمتی اے۔ وزیراعظم آکھیے جو پنجاب اچ ساݙی حکومت  نینگراں دی ترقی کیتے ٻہوں سارے اقدامات کیتے ہن تے گزریل ݙینھ وی حکومت نینگراعں کوں بااختیار بݨاوݨ کیتے کئی اقدامات دا اجرا کیتے جیں دے ذریعے او آپݨا روزگار کماوݨ دے قابل ہوسن، اے حالی شروعات اے جو آوݨ آلے ہفتے تے مہینے اچ حکومت نینگراں دی ترقی کیتے ٻہوں سارے اقدامات کریسی ۔